Një aksident fatal është regjistruar mbrëmjen e së martës në qarkun e Vlorës, ku një këmbësore 80-vjeçare ka humbur jetën pasi u përplas nga një automjet.
Sipas njoftimit paraprak të Policisë, ngjarja ka ndodhur rreth orës 22:00, në aksin rrugor Vranisht–Vlorë, në qendër të fshatit Vranisht. Automjeti që drejtohej nga shtetasi A. Ll., rreth 59 vjeç, banues në Vranisht, ka përplasur këmbësoren Th. Sh., rreth 80 vjeçe.
Si pasojë e përplasjes së fortë, e moshuara ka ndërruar jetë në vendngjarje.
Pas aksidentit, drejtuesi i automjetit është shoqëruar në komisariat, ndërsa grupi hetimor ka nisur veprimet për zbardhjen e plotë të rrethanave dhe shkaqeve të aksidentit.
Policia vijon hetimet për dokumentimin e plotë të kësaj ngjarjeje tragjike.
A është ky artikull etik? Nëse jo,
Na kontaktoni
