Ministri turk i Mbrojtjes, Yaşar Güler, deklaroi se NATO nuk po përballet me një krizë, por me një proces përshtatjeje ndaj ndryshimeve në mjedisin global të sigurisë. Në një intervistë për Reuters, ai theksoi se Shtetet e Bashkuara nuk kanë synim të largohen nga aleanca.
Deklaratat vijnë pak ditë përpara samitit të NATO-s, që do të mbahet më 7-8 korrik në Ankara, ku pritet të marrin pjesë liderët e 32 vendeve anëtare, si dhe përfaqësues nga rajoni i Gjirit dhe Azia-Paqësori.
Sipas Güler, prioritetet e samitit do të jenë rritja e shpenzimeve për mbrojtjen, forcimi i industrisë së përbashkët të mbrojtjes, ruajtja e unitetit të aleancës dhe vazhdimi i mbështetjes për Ukrainën.
Ministri turk kërkoi gjithashtu që Evropa të përfshijë më shumë Turqinë në nismat e saj të mbrojtjes, duke theksuar se përjashtimi i Ankarasë nga këto projekte nuk i shërben sigurisë së kontinentit.
