viktima / autori
Gjykata e Korçës ka dhënë vendimin për ngjarjen e rëndë të ndodhur rreth një vit më parë në fshatin Pirg të Maliqit, ku humbi jetën 14-vjeçari Erald Xhejo.
Trupa gjykuese ka dënuar me 12 vite burgim Enedio Gurin, në atë kohë 14 vjeç, i akuzuar për vrasjen me dashje të bashkëmoshatarit të tij. Vendimi është marrë më 9 shtator 2026, pas shqyrtimit të provave të administruara gjatë procesit gjyqësor.
Sipas të dhënave të bëra publike, përveç autorit të mitur, gjykata ka dhënë dënime edhe për persona të tjerë të përfshirë në ngjarje.
Roland Guri, xhaxhai i Enedio Gurit, është dënuar me 1 vit e 6 muaj burgim, ndërsa Flori Çela është dënuar me 2 vite e 6 muaj burgim, pasi dyshohet se ka ndihmuar autorin të largohej nga vendi i ngjarjes me automjet.
Ndërkohë, babai i Enedio Gurit është shpallur i pafajshëm nga gjykata.
Ngjarja e rëndë ndodhi më 14 gusht, kur 14-vjeçari Erald Xhejo u godit me thikë pas një konflikti mes bashkëmoshatarësh. Përplasja kishte nisur në ambientet e jashtme të një lokali dhe, sipas hetimeve, lidhej me një debat të çastit mes dy të miturve.
Pavarësisht ndërhyrjes, Erald Xhejo nuk mundi t’u mbijetonte plagëve të marra.
Gjatë hetimit të çështjes, autoritetet arrestuan autorin e dyshuar dhe disa persona të tjerë të dyshuar për përfshirje në ngjarje, ndërsa çështja vijoi më pas në rrugë gjyqësore.
