Një zjarr i ri është ndezur sërish pranë zonës së Qafës së Luadhit, vetëm disa ditë pasi në të njëjtin vend ishte raportuar një vatër tjetër zjarri.

Një zjarr i ri është ndezur sërish pranë zonës së Qafës së Luadhit, vetëm disa ditë pasi në të njëjtin vend ishte raportuar një vatër tjetër zjarri. Sipas informacioneve nga terreni, flakët janë vënë përsëri qëllimisht, duke shkaktuar alarm mes banorëve të zonës.

Era e fortë po ndihmon përhapjen e shpejtë të flakëve, duke rrezikuar sipërfaqe të gjera me bimësi. Ndërkohë, në vendngjarje nuk ka asnjë mjet zjarrfikës, çka e bën situatën edhe më shqetësuese.

Fakti që zjarri ndizet për herë të dytë në të njëjtën zonë brenda pak ditësh ngre dyshime serioze për zjarrvënie të qëllimshme dhe për mungesë kontrolli nga institucionet përgjegjëse. Deri më tani, nuk ka një reagim zyrtar nga autoritetet për këtë ngjarje.

Situata mbetet në zhvillim.