Policia e Vlorës ka parandaluar një ngjarje të mundshme kriminale, duke sekuestruar dy automjete të vjedhura dhe lëndë djegëse

Policia e Vlorës ka parandaluar një ngjarje të mundshme kriminale, duke sekuestruar dy automjete të vjedhura dhe lëndë djegëse.

Më 8 shkurt 2026, strukturat e hetimit të Drejtorisë Vendore të Policisë Vlorë, bazuar në informacione operative, kryen kontrolle në aksin rrugor dhe në fshatin Babicë e Madhe, për dy automjete që dyshohej se do të përdoren për kryerjen e një vepre kriminale.

Gjatë kontrolleve, policia gjeti të fshehura në një ullishte dy automjete me targa të huaja: një Nissan dhe një Audi Q5, si dhe tre bidona me benzinë. Hetimet paraprake tregojnë se automjetet dhe lënda djegëse do të përdoren për kryerjen e një ngjarjeje të rëndë kriminale.
Automjetet dhe provat e tjera të sekuestruara janë në proces ekzaminimi shkencor, ndërsa grupi i posaçëm hetimor i DVP Vlorë, nën drejtimin e Prokurorisë, vijon punën për sqarimin e plotë të rrethanave dhe identifikimin e autorëve.