Kamionët të ngarkuar me hekurishte, pa asnjë masë sigurie, po qarkullojnë çdo ditë në aksin Orikum–Vlorë, duke kthyer rrugën në një rrezik serioz për drejtuesit e automjeteve dhe qytetarët.

Kamionët të ngarkuar me hekurishte, pa asnjë masë sigurie, po qarkullojnë çdo ditë në aksin Orikum–Vlorë, duke kthyer rrugën në një rrezik serioz për drejtuesit e automjeteve dhe qytetarët.

Ngarkesat e rënda, të palidhura dhe jashtë çdo standardi sigurie, rrezikojnë të bien në rrugë në çdo moment, sidomos në kthesa apo gjatë frenimeve të papritura. Sipas qytetarëve, këta kamionë lëvizin pa mbulesë, pa sinjalistikë paralajmëruese dhe pa asnjë kontroll të dukshëm nga autoritetet.

Situata bëhet edhe më alarmante gjatë orëve të pikut, kur qarkullimi është i dendur dhe rreziku për aksidente është i lartë. Megjithatë, pavarësisht rrezikut të hapur, mungon kontrolli nga policia rrugore dhe institucionet përgjegjëse.

Banorët dhe drejtuesit e mjeteve kërkojnë ndërhyrje urgjente, kontrolle të rrepta dhe ndëshkime për shkelësit, përpara se kjo neglizhencë të kthehet në një ngjarje të rëndë.