Cristiano Ronaldo dhe Georgina Rodriguez kanë nënshkruar një marrëveshje paramartesore vetëm një ditë para martesës së tyre sekrete, duke përcaktuar qartë mënyrën e ndarjes së pasurisë në rast të një divorci.
Çifti u martua në një ceremoni intime në rezidencën e tyre luksoze, me vlerë rreth 30 milionë paund, në zonën ekskluzive Quinta da Marinha të Cascais. Në ceremoni morën pjesë vetëm katër dëshmitarë dhe fëmijët e çiftit, ndërsa nëna e Ronaldos, Dolores, nuk ishte e pranishme.
Sipas dokumenteve të publikuara, më 10 gusht çifti ka nënshkruar një marrëveshje që përcakton ndarjen e pasurisë. Në këtë mënyrë, në rast të përfundimit të martesës, Georgina Rodriguez nuk do të ketë automatikisht të drejtën për gjysmën e pasurisë së krijuar gjatë martesës.
Secili prej tyre do të ruajë pasurinë e regjistruar në emrin e vet, ndërsa pasuritë e përbashkëta do të jenë vetëm ato që janë regjistruar shprehimisht në emër të të dyve.
Megjithatë, marrëveshja parashikon edhe një mbështetje financiare për Georginën. Në rast divorci, ajo raportohet se do të përfitojë rreth 100 mijë euro në muaj. Sipas raportimeve, kjo klauzolë është vendosur pas lindjes së vajzës së tyre, Alana, me synimin për të garantuar sigurinë financiare të Georginës dhe fëmijëve.
Pasuria e Cristiano Ronaldos vlerësohet në rreth 1.2 miliardë euro, ndërsa çifti zotëron një numër të konsiderueshëm pronash dhe asetesh luksoze.
Gjithashtu, një nga pronat luksoze të Ronaldos në Madrid, me vlerë rreth 5 milionë paund, në zonën prestigjioze La Finca, raportohet se është e regjistruar në emër të Georgina Rodriguez.
Marrëveshja paramartesore ka tërhequr vëmendjen për shkak të vlerave të mëdha financiare dhe kushteve të përcaktuara për pasurinë e çiftit në rast të një ndarjeje.
