Një video që po qarkullon në rrjetet sociale ka ngjallur zemërim dhe reagime të shumta, pasi tregon një akt të pashpjegueshëm dhune ndaj një qeni të pafajshëm.
Në pamje shihet momenti kur një person e thërret qenushin pranë vetes. I vogli, me besimin dhe pafajësinë që kanë vetëm kafshët, afrohet duke menduar se do të përkëdhelet ose do të marrë diçka për të ngrënë. Por, në vend të një gjesti dashamirësie, ai goditet.
Pamjet kanë prekur mijëra qytetarë, të cilët dënojnë ashpër sjelljen e personit në video dhe kërkojnë nga autoritetet më shumë ndërgjegjësim për mbrojtjen e kafshëve.
Aktet e dhunës ndaj kafshëve nuk lënë vetëm plagë fizike, por krijojnë edhe trauma që ndikojnë në sjelljen e tyre. Shumë qen endacakë nuk kanë frikë nga njerëzit që në lindje, por e fitojnë atë pas përvojave të dhimbshme me persona që i keqtrajtojnë.
Kafshët nuk mund të flasin për të treguar dhimbjen apo për të kërkuar drejtësi, por vuajtja që përjetojnë është po aq reale. Për këtë arsye, organizatat për mbrojtjen e kafshëve bëjnë vazhdimisht thirrje që raste të tilla të denoncohen dhe autorët të mbajnë përgjegjësi.
https://www.instagram.com/reel/DbOk3Xxq3TE/?igsh=MTd6bnF6czNma3JqaA==
